tri behe e un gui
tarjum da Erjo
na tele pas, un gui be dom na nicha da un kiau, jo transe un rivo. la gui ye ten un
dus rupa. ya ten oko jo dai ka tasa, e nos jo long ka bele.
na un den, la gui ye audi un lili soni ze supra da kiau. «ke jan ye marche na mi su
kiau?» la gui ye krita. «oh! unike zai mi, lili behe» un lili behe ye loga. ya dai shush di
loga, e fa zoku: «mi marche do chau topo na jo mi vil yam do mi si gola».
«zai mi kape tu!» loga la gui.
«no, no!», la lili buze ye loga. «no kape mi, ze saba mi si lili lili. un di lili deng, e medi
behe vil marche. ya si mas dai». «oke», la gui ye loga.
na pos da lili zaman, un soni be audi ze supra da kiau. «ke jan marcha na mi su
kiau?», la gui ye krita. «oh! si mi, medi behe. mi move do chau topo na jo mi vil yam
do mi si gola», la medi behe ye loga. ya no shush di loga.
«zai mi kape tu!» la gui ye loga.
«no, no! no kape mi» la medi behe ye loga. «lili deng, e dai behe vil marche. ya si
dai dai». «oke» be loga la gui.
na pos da medi zaman, bari kelele be audi ze supra da kiau. «ke jan marche na mi su
kiau?», la gui ye krita. «mi, dai behe», la dai behe ye loga ha dai soni.
«zai mi kape tu!» la gui ye loga.
«ye, ching lai! mi ten du korne, ha jo mi vil harabu tu su oko. mi ten du dai jeng
sheku, ha jo mi vil parcha tu su oste.»
e pos go, la dai behe ye harabu gui su oko, e parcha la gui su oste, e lanse la gui do
rivo. pos go, ya marcha do chau topo. na chau topo, pan behe yam do se si gola.
yamen sun no ten la energi do fuka do dom. e ga yamen zoku no kite, yamen zoku si
gola.
Ei kommentteja:
Lähetä kommentti